Gözətçi qülləsi (Gözetleme Kulesi) (tərcümə)

Gözetleme Kulesi, Pelin Esmer tərəfindən yazılıb çəkilmiş 2012-ci il istehsalı dram filmi və rejissorun 11'e 10 Kala-dan sonra ikinci tammetrajlı işidir. Türkiyə, Fransa və Almaniyanın birgə istehsalı olan filmin dünya premyerası 8 sentyabr 2012-ci ildə Beynəlxalq Toronto Film Festivalında baş tutub; çəkilişlər Kastamonunun Tosya, Şenpazar və Cide rayonlarında aparılıb.

Hekayə, tənha meşədəki yanğın müşahidə qülləsinə gözətçi kimi sığınan Nihat ilə avtobuslarda hostess işlədikdən sonra Tosyadakı kiçik avtovağzalda qalmağa çalışan Seherin kəsişən yollarını danışır. Başqalarından qaçarkən bir-birinə rast gələn bu iki tək insan, təqsir hissi ilə apardıqları mübarizəni indi bir-birlərinin şahidliyində davam etdirməyə məcbur qalır. Baş rolları Olgun Şimşek və Nilay Erdönmez paylaşır; heyətdə Menderes Samancılar, Rıza Akın, Laçin Ceylan və Kadir Çermik də yer alır.