Një vejushë (Dul Bir Kadın) (përkthyer)

Dul Bir Kadın është një film turk i vitit 1985, me regji dhe skenar të Atıf Yılmazit. Prodhimi, i përshtatur nga vepra me të njëjtin emër e Necati Cumalıt, konsiderohet një nga veprat më të mira të kohës për trajtimin e çështjes së shfrytëzimit seksual të gruas në Turqi. Producenti i filmit ka qenë Kadri Yurdatap.

Historia trajton marrëdhënien që zhvillohet mes Sunas, e ndarë nga bashkëshorti, dhe Ergunit, të cilin e njeh në një dyqan antikuarësh; pushimet në Bodrum, ku merr pjesë edhe shoqja e tyre Ayla, i shtojnë historisë një dimension të ri. Në rolin kryesor, Müjde Arin e shoqërojnë emra si Nur Sürer, Yılmaz Zafer, Deniz Türkali dhe Bülent Polat. Filmi fitoi çmimin për Filmin më të Mirë në Festivalin e 22-të të Filmit të Antalias në vitin 1985, ndërsa Orhan Oğuz u nderua me çmim në kategorinë e drejtorit të fotografisë.