Taksi Lulesh (Çiçek taksi) (përkthyer)

Çiçek Taksi është një serial turk i zhanrit familjar dhe komedi, me firmën e Erler Film. Episodi i parë u transmetua më 27 shtator 1995 në atv. Tri sezonet e para zgjatën deri në vitin 1998; këto episode, nga i 1-ri deri te i 105-ti, u shfaqën çdo javë. Më pas, nga shtatori 1998 deri në mars 2000, pati një pauzë gati dy vjeçare. Arsyeja e pauzës është se, pasi u ndoqën episodet e përsëritura, u mor vendimi për të xhiruar episode të reja.

Seriali u kthye në vitin 2000 me sezonin e katërt si serial ditor dhe 64 episodet midis episodit 106 dhe 169 u transmetuan në atv në këtë mënyrë. Kur kaloi në TRT 1 në vitin 2001, numrat e episodeve filluan sërish nga 1. Sezoni i pestë u hap më 20 janar 2001, vazhdoi pa ndërprerje deri më 18 korrik 2002 me dy episode në javë dhe në një vit e gjysmë mblodhi 146 episode. Sezoni i gjashtë dhe i shtatë u transmetuan me nga një episod në javë. Pas gjithsej 198 episodeve në TRT 1, seriali përfundoi me episodin e 367-të më 27 dhjetor 2003.

Historia zhvillohet në një stacion taksish në një lagje të Stambollit; tregohet jeta e përditshme e shoferëve, e zejtarëve e tregtarëve dhe e banorëve të lagjes. Në kast janë Ayça Bingöl, Bülent Polat, Ayberk Pekcan, Ceyda Düvenci, Gül Gölge, Aslı Altaylar dhe Civan Canova në rolin e Celal Kıraç.