Babai im dhe familja e tij (Babam ve Ailesi) (përkthyer)

Babam ve Ailesi është një serial turk i llojit dramë dhe romancë, që u transmetua në Kanal D nga 19 shtatori deri më 12 dhjetor 2016, të hënave në mbrëmje në orën 20.00. Seriali, produksion i Gold Film, zgjati 13 episode. Ndërkombëtarisht njihet me emrin Family Secrets (“sekretet e familjes”).

Në qendër të rrëfimit është Kemali, i njohur në qarqet e Stambollit si një biznesmen i respektuar. Pas shtëpisë që duket e përsosur, të cilën e ka ngritur me bashkëshorten Suzan (Ceyda Düvenci), fshihet një familje e dytë dhe dy fëmijë të tjerë, që i mban prej vitesh. Kur kjo fshehtësi del në dritë, rrugët e dy familjeve të ndryshme kryqëzohen dhe rendi që të gjithë e kishin mësuar përmbyset. Serialin e udhëheqin Bülent İnal me Ceyda Düvenci; në kast janë edhe Ayça Bingöl (Nilgün), Sercan Badur (Mert), Doğa Zeynep Doğuşlu (Çiçek), Can Albayrak (İbo), Sera Kutlubey, Caner Şahin, Ecem Simge Yurdatapan, Birand Tunca, Taygun Sungar dhe İpek Filiz Yazıcı.

Seriali qëndroi në ekran tre muaj në sezonin e vjeshtës 2016. Skenarin e kanë shkruar Onur Uğraş me Murat Uyurkulak, regjinë e mori përsipër Nihat Durak, ndërsa drejtimin artistik e ka bërë Özüdoğru Cici.