Süd (Süt) (tərcümə)

Semih Kaplanoğlunun çəkdiyi 2008-ci il istehsalı dram filmi Süt, Türkiyə, Fransa və Almaniya birgə istehsalıdır. Yumurta (2007) ilə başlayıb Bal (2010) ilə tamamlanan və ənənələrin itirilməsinin insanlar üzərindəki təsirindən bəhs edən Yusuf üçleməsinin ikinci halqası olan film İzmirin Tire qəzasında keçir və Yusuf personajının gənclik illərinə qayıdaraq onun hekayəsini danışır.

Universitet imtahanını qazana bilməyən Yusuf, anası Zehra ilə birlikdə süd və pendir sataraq keçinərkən bir yandan da yazdığı şeirləri jurnallara göndərməyə çalışır. Anasının bir kişi ilə münasibəti olduğunu fərq etməsi və hərbi müayinədə keçirdiyi xəstəlik səbəbindən hərbi xidmət edə bilməyəcəyini öyrənməsi, kişi hakim cəmiyyətdə onu bir üzləşməyə və dəyişimə sövq edir. Baş rollarda Melih Selçuk və Başak Köklükayanın yer aldığı heyətdə Rıza Akın, Saadet Aksoy, Tülin Özen, Şerif Erol və Tansu Biçer də var.