Reportyor (Reporter) (tərcümə)

Reporter, ilk dəfə 1989-cu ildə Das Erste kanalında yayımlanan, WDR istehsalı bir Alman televiziya serialıdır. Hər biri təxminən 48 dəqiqəlik doqquz seriyadan ibarət olan filmin rejissorluğunu Klaus Emmerich ilə Hans Noever üzərinə götürmüş, ssenarini Horst Vocks və Thomas Wittenburg qələmə almışdır.

Serial, uydurma həftəlik xəbər jurnalı TNT-nin redaksiyasında keçir: gənc və təcrübəsiz jurnalist Azade "Atze" Çelik (Renan Demirkan) ilə işini yaxşı bilən fotojurnalist Pit "PiWi" Wilken (Walter Kreye), ən yaxşı başlığı ələ keçirmə yarışının ortasında satın alınmış sensasiyalar və intriqalarla mübarizə aparır. Uydurma TNT jurnalı 1983-cü ildə Stern jurnalını silkələyən saxta Hitler gündəlikləri qalmaqalına işarə edir; ssenaristlər, Dietmar Schönherr'in canlandırdığı redaktor Herbst personajı üçün dövrün Stern nəşriyyatçısı Henri Nannen'i nümunə götürdüklərini bildirmişlər.

Heyətdə, həmçinin, Jürgen Holtz, Heinz Hoenig, Rolf Zacher, Martin Lüttge, Tilo Prückner və Hanno Pöschl kimi tanınmış adlar yer alır. 1990-cı ildə serialın ilk iki seriyası rejissorlar Emmerich və Noever, eləcə də aktyorlar Kreye, Demirkan və Holtz'a Gümüş Adolf Grimme Mükafatı qazandırmışdır.