Xoşbəxtlik (Mutluluk) (tərcümə)

Mutluluk, Zülfü Livanelinin 2002-ci ildə nəşr olunan və bir çox dilə tərcümə edilən eyniadlı romanından ağ pərdəyə uyğunlaşdırılan 2007-ci il istehsalı türk dram filmidir. Rejissorluğunu Abdullah Oğuzun öz üzərinə götürdüyü ANS Productions imzalı filmin ssenarisində Livaneli və Oğuzun yanı sıra Kubilay Tunçerin də töhfəsi var; musiqiləri də Livaneliyə məxsusdur.

Film, namusunu ləkələdiyi iddiası ilə adət-ənənəyə görə öldürülməsinə qərar verilən Meryem ilə onu edam etməklə vəzifələndirilən, əsgərlikdən təzə qayıtmış Cemalın səyahətini danışır. İkilinin yolu, İstanbuldakı həyatından qaçaraq bir qayıqda yaşamağı seçən professor İrfanla kəsişəndə hekayə bir yol filminə çevrilir. Baş rolları Özgü Namal, Talat Bulut və Murat Han bölüşür. Film, 2007 Antalya Altın Portakal Film Festivalının milli müsabiqəsində namizəd göstərildi, Mumbay və Romadakı festivalların açılışını etdi; Mayami və Nürnberqdə tamaşaçı mükafatlarını, həmçinin Avropa Şurasının Prix Odyssee İnsan Hüquqları Mükafatını qazandı.