Hasip və Nasip (Hasip ile Nasip) (tərcümə)

Hasip ile Nasip, Atıf Yılmazın rejissorluğu ilə 1976-cı ildə çəkilən və ssenarisi Umur Bugaya məxsus olan Türkiyə komediya filmidir. Prodüserliyini Memduh Ün öz üzərinə götürmüş, baş rolları dövrün tanınmış cütlüyü Zeki Alasya ilə Metin Akpınar bölüşmüşdür.

Hekayə bir qəsəbədə bir-birinə rəqib vəziyyətdə olan iki varlı ailənin ətrafında inkişaf edir. Əsgərliklərini başa vurub qayıdan iki gənc, həcc səfəri zamanı həyatını itirən atalarının ardınca bələdiyyə sədrliyi yarışında rəqib olur. Perihan adlı qadının qəsəbəyə gəlməsi ilə aralarındakı çəkişmə daha da böyüyür və gözlənilmədən fərqli istiqamət alır.

Alasya və Akpınarın bir neçə rola girdiyi filmdə Güngör Bayrak, Şevket Altuğ və İhsan Yüce kimi aktyorlar da yer alır. Film dövrün siyasi və ictimai quruluşunu istehzalı üslubda işləyən Yeşilçam komediyaları arasında sayılır.