Gəmidə (Gemide) (tərcümə)

Serdar Akarın 1998-də çəkdiyi Gemide sərt bir hekayə danışan Türk filmidir. Yeni Sinemacılık istehsalı olan film 4 Dekabr 1998-də Türkiyə üzrə nümayişə çıxmışdır. Ankara və Antalyadakı kino festivallarından mükafatlarla qayıtmış, Altın Portakalda ən yaxşı ikinci film seçilmişdir. Bir çox tənqidçi filmi kult sayır və doxsanıncı illərin ən yaxşı Türk filmləri arasında anır; orijinal ssenarisi və dialoqları xüsusilə bəyənilmişdir. İngiliscə adı On Boarddur.

Hekayə, bir qum daşıyan kiçik gəminin heyəti və kapitanı ətrafında irəliləyir. Gəmidəki dar, qapalı dünya, sahilə çıxıldıqda ortaya çıxan bir zorakılıq hadisəsi ilə pozulur: Dənizçilər bir qadını gəmiyə qaçırır və bu qərar hamını geri dönüşü olmayan bir prosesə sürükləyir. Film bu hekayə ilə Türkiyənin əyri quruluşuna da tənqidi bir güzgü tutur. Kapitan İdris rolunda Erkan Can yer alır; Haldun Boysan Kamili, Yıldıray Şahinler Alini, Güven Kıraç Azizi, Cengiz Küçükayvaz isə Doktoru canlandırır.

Ssenarini Serdar Akar, Önder Çakarla birlikdə yazmışdır; prodüserlər Sevil Demirci və Önder Çakardır. Operator Mehmet Aksın, musiqi bəstəkarı Uğur Yüceldir. Gemide, Kudret Sabancının çəkdiyi Laleli'de Bir Azize ilə eyni dövrdə çəkilmişdir və iki filmin əsas obrazlarının yolları kəsişir.