Xəyal, Gerçək, Bir də Kino (Düş, Gerçek, Bir de Sinema) (tərcümə)

Düş, Gerçek, Bir de Sinema, Tülay Eratalayın çəkdiyi 1995-ci il istehsalı türk kino filmidir. Ssenarisi Ayfer Tunç tərəfindən yazılan və TRT istehsalı olan film tək bir uzun hekayə əvəzinə bir-birindən asılı olmayan üç qısa hissədən ibarətdir; hər hissə türk ədəbiyyatının fərqli bir yazıçısının hekayəsindən uyğunlaşdırılmışdır.

Reşat Nuri Güntekindən uyğunlaşdırılan ilk hekayədə lotereyada udan bir məmurun bağçalı restoran xəyalı uğrunda əlində olanı itirməsi; Memduh Şevket Esendalın hekayəsində isə xarab bir evi təmir edən kirayəçi ailənin məhəllə dedi-qodusu üzündən zəhmətinin qarşılığını ala bilməməsi danışılır. Muzaffer Buyrukçudan uyğunlaşdırılan son hissədə isə statistlikdən kənara çıxa bilməmiş bir aktyorun özgüvənini yenidən qazanması izlənilir. Film 1996-cı ildə 8-ci Ankara Beynəlxalq Film Festivalında ən yaxşı film, rejissor, kişi aktyor və orijinal musiqi mükafatlarını, 10-cu Adana Altın Koza Film Festivalında isə ən yaxşı üçüncü film və ikinci plan aktyor mükafatlarını qazandı.