Aşiqlər (Les Amants) (tərcümə)

Les Amants (türkcə adı Aşıklar), Louis Mallın rejissorluq etdiyi, 1958-ci ildə çəkilmiş fransız romantik dram filmidir. Rejissorun həmin il çəkdiyi Ascenseur pour l'échafaud filmindən sonrakı ikinci uzunmetrajlı işi olan film Malle hələ 25 yaşında ikən tamamlanmışdır. Dialoqlarını Louise de Vilmorinin yazdığı film Dominique Vivant Denonun Point de Lendemain adlı hekayəsindən uyğunlaşdırılmışdır; hekayə 18-ci əsrdə keçərkən hadisələr filmdə 1950-ci illərə daşınmışdır.

Baş rollarını Jeanne Moreau, Jean-Marc Bory, Alain Cuny və Judith Magrenin bölüşdüyü film burjua təbəqəsindən olan bədbəxt evli qadının qadağan olunmuş münasibətlə həqiqi sevgini yenidən kəşf etməsini mövzu alır. Ağ-qara görüntülərini Henri Decaënin çəkdiyi film dövrünə görə cəsarətli sayılan səhnələrinə görə bir çox ölkədə ədəbsizlik mübahisələrinə və qadağalara səbəb oldu. Fransada kassa uğuru qazanan film 1958-ci il Venesiya Film Festivalında Qızıl Şir mükafatına namizəd göstərildi və Münsiflər Heyətinin Böyük Mükafatını qazandı.