Shlyerja (Kefaret) (përkthyer)

Kefaret është një serial televiziv turk i zhanrit dramë, i përgatitur nga 25 Film. Prodhimi, që thuhet se është përshtatur nga romani Konstantiniyye Oteli i Zülfü Livaneli, filloi me episodin e parë më 22 nëntor 2020 në ekranin e NOW. Seriali, që vazhdoi një sezon, përfundoi me episodin e 35-të të transmetuar më 29 korrik 2021.

Historia rrëfen jetën e Zeynepit, mësuese muzike. Kur Zeynepi, me bashkëshortin mjek Ahmet dhe dy fëmijët e vegjël, vendoset në shtëpinë e bukur në qytetin ku ishin transferuar rishtazi, është e sigurt se e ardhmja do të jetë po aq e përsosur sa ai mëngjes vere; ditën e ditëlindjes ka bërë edhe një dëshirë. Por në pesë vitet në vijim humbet gjithçka. Komisari Sinan nuk largohet asnjëherë nga Zeynepi dhe, për shkak të dashurisë së madhe për të, humb punën. Zeynepi i drejtohet një rruge të fundit për t’i rimarrë ato që ka humbur; bashkohet me Sinanin dhe përpiqet me kokëfortësi t’i marrë mbrapsht të gjitha, një nga një.

Rolet kryesore i ndajnë Nurgül Yeşilçay, Mert Fırat dhe Yurdaer Okur. Në kast janë edhe Özge Özacar, Ege Kökenli, Mine Kılıç, Ayşegül Cengiz Akman, Ayşe Tunaboylu, Hakan Yufkacıgil dhe Tolga Güleç. Regjisore është Mesude Erarslan, skenariste Mahinur Ergun.