Më trego për dashurinë (Bana Sevmeyi Anlat) (përkthyer)

Seriali televiziv turk i zhanrit dramë dhe romancë Bana Sevmeyi Anlat filloi të transmetohej në FOX më 26 gusht 2016 me firmën e Ay Yapım. Jashtë vendit është shfaqur me titullin Wings of Love. Seriali, që zgjati një sezon të vetëm, për shkak të shikueshmërisë së ulët bëri finalen me episodin e 22-të, të transmetuar më 30 janar 2017.

Historia nis me takimin, në një çast arratisjeje, të Leylasë (Seda Bakan), që pavarësisht njerëzve përreth nuk ka askënd përveç foshnjës së saj, dhe të Alperit (Kadir Doğulu), që është tradhtuar nga ata që i quante miq e të dashur. Pika e kthesës e dy jetëve është Haşmeti (Mustafa Üstündağ). Leyla, që për të ardhmen e të birit martohet me Haşmetin që nuk e njeh mirë, kur zbulon anën e errët të burrit detyrohet të ikë dhe hidhet në një dashuri të papritur me Alperin. Në ekip janë edhe Dolunay Soysert (Canan), Naz Sayıner (Mercan), Mine Kılılç (Ezgi), Mahperi Mertoğlu (Ayla), Serdar Özer (Engin), Bihter Dinçel (Suzan), Aslı Orcan (Berna), Gülper Özdemir (Simge) dhe Kadir Çermik (Salih).

Regjisore e serialit është Mesude Erarslan, skenariste Deniz Akçay Katıksız, producent Kerem Çatay. Projekti fillimisht po përgatitej me emrin Beyaz Gece; kur shoqëria prodhuese e prishi marrëveshjen me aktoren kryesore Cansu Dere, në rolin kryesor kaloi Seda Bakan dhe seriali mori emrin e sotëm.