Babai Magjistar (Efsuncu Baba) (përkthyer)

Efsuncu Baba (njihet edhe si "The Magician") është një film turk bardhezi i vitit 1949, shkruar dhe drejtuar nga Aydın Arakon. Është përshtatur nga romani i Hüseyin Rahmi Gürpınar dhe bashkon aventurën, komedinë dhe dramën. Filmi është xhiruar në 35 mm, zgjat 85 minuta dhe doli në shfaqje më 19 prill 1950. Producent është Nazif Duru, shoqëria prodhuese Atlas Film, drejtor i fotografisë İlhan Arakon; këngët i përkasin Hamiyet Yüceses, ndërsa ndihmësregjisor është Nejat Duru.

Në qendër të temës është kërkimi i një thesari. Ebülfazıl Enveri beson te fuqia e magjisë, e hajmalive dhe e ligjeratave; duke u bindur se thesari i fshehur mund të arrihet vetëm kësisoj, ia jep të bijën, Mevlüden, Nurullah Hasipit. Në këtë anë filmi i ngjan lojërave të Karagözit me temë magjistarësh dhe shëruesish. Metin And e ilustron këtë lloj me lojërat Büyücü Hoca, Mal Çıkarma, Cincilik dhe Cambazlar. Sidomos te Cincilik, Hacivati, duke besuar në fuqinë magjike të Karagözit, pranon të martojë të bijën; si Hacivati ashtu edhe Enveri veprojnë sipas interesit të vet.

Rolin e Efsuncu Babës e luan Müfit Kiper. Në distribucion janë Necdet Mahfi Ayral (Agop), Nubar Terziyan (Kirkor), Dursun Şirin (Arap Bacı), Jeyan Mahfi Tözüm (e bija e babait) dhe Kemal Tanrıöver (dhëndri i babait).