Njëherë e një kohë (Bir Varmış Bir Yokmuş) (përkthyer)

Bir Varmış Bir Yokmuş, që doli në kinema më 6 mars 2015, ishte një film turk romantik dhe muzikor. Emri i tij të kujton hyrjen klasike të përrallave dhe tregon edhe çfarë do të rrëfejë filmi: përrallën e fundit që u ka mbetur të rriturve. Në karrigen e regjisorit ulet İlksen Başarır; skenarin e ka shkruar ai bashkë me aktorin kryesor Mert Fırat. Filmin e ka prodhuar Kutu Film dhe kohëzgjatja e tij është rreth njëqind minuta.

Historia fillon me dashurinë për një këngë: një këngë të pëlqen, sepse ai që e ka shkruar të ka prekur disi. Edhe Nehir ndjek gjurmën e një kënge të tillë dhe kjo gjurmë e çon me një rrugë me fund të pasigurt te Ozani, muzikanti rok që e ka shkruar këngën. Marrëdhënia e dy vetëve mbetet e ngërthyer mes vendosmërisë së njërit dhe luhatjeve të tjetrit. Nehirin e luan Melisa Sözen, Ozanin Mert Fırat; Fırat, sipas rolit, e ka kënduar vetë edhe këngën Nilüfer të Müslüm Gürsesit. Hare Sürel luan Sibelin, Selen Öztürk luan Semën.

Drejtori i fotografisë Emre Tanyıldız, muzikat i përgatitën Ali Güçlü Şimsek dhe Görkem Karabudak. Drejtimin e prodhimit e ka bërë Murat Çelik, përzgjedhjen e aktorëve Ezgi Baltaş.