E doja shumë (Ben Onu Çok Sevdim) (përkthyer)

Ben Onu Çok Sevdim është një serial turk i prodhuar nga Pana Film dhe i transmetuar në atv. Episodi i parë doli më 10 shtator 2013; zgjati një sezon dhe përfundoi me episodin e 15-të më 24 janar 2014. Regjisorët janë Mehmet Bahadır Er dhe Eylem Koza. Si zhanër është një serial dramatik dhe historik politik.

Seriali rrëfen për Adnan Menderesin (Mehmet Aslantuğ), që u bë kryeministër pasi Partia Demokrate erdhi në pushtet në 1950. Rrëfimi përfshin periudhën e trazuar pas Luftës së Koresë, kërcënimin sovjetik, procesin e anëtarësimit në NATO, tensionimin gradual të ambientit politik dhe përpjekjen e huntës për të përmbysur qeverinë. Menderesi i jeton këto vite së bashku me familjen dhe bashkëpunëtorët e tij. Në anën e jetës private të historisë, Menderesi mbetet mes bashkëshortes Berrin (İdil Fırat) dhe Ayhan Aydanit (Birce Akalay), të cilën e do.

Në ansambël Şemsi İnkaya është në rolin e İsmet İnönü-t, Tuğrul Çetiner në rolin e Celâl Bayar-it, Rıza Akın në rolin e Ethem Menderes-it, Burak Yörük në rolin e Aydın Menderes-it, Kerem Alışık në rolin e Fatin Rüştü Zorlu-t, Teoman Mermutlu në rolin e Hasan Polatkan-it dhe Devrim Yakut në rolin e Naciye Aydan-it.