Həbsxanadan qaçış (Prison Break)

Paul Scheuring-in yaratdığı Prison Break, 29 avqust 2005-ci ildə Fox kanalında yayımlanmağa başlayan Amerika istehsalı aksiyon və dram serialıdır. Serial işləmədiyi bir qətlə görə ölümə məhkum edilən Lincoln Burrows (Dominic Purcell) ilə onu xilas etmək üçün həbsxananın planlarını bədəninə döydürüb özünü Fox River həbsxanasına saldıran qardaşı Michael Scofield-in (Wentworth Miller) qaçış planından və sonrakı hadisələrdən bəhs edir. İlk mövsümün qazandığı böyük tamaşaçı marağı üzərinə əvvəlcə planlaşdırılan on üç bölümə daha doqquz bölüm əlavə edildi.

Dörd mövsümün ardından 15 may 2009-cu ildə finalını edən serial 2017-ci ildə doqquz bölümlük beşinci mövsümü ilə ekranlara qayıtdı və beş mövsümdə ümumilikdə 90 bölümə çatdı. Türkiyədə əvvəlcə CNBC-e-də yayımlanan serial daha sonra Star TV-də «Büyük Kaçış» adı ilə türkcə dublyajla göstərildi. Ramin Djawadi-nin musiqisi 2006-cı ildə Emmy-yə namizəd oldu; serial 2006 People's Choice mükafatını qazandı.