Mətbuat (Press) (tərcümə)

Montajı da özü edən Sedat Yılmaz, türk dramı Pressi yazıb rejissorluq etdi. Rejissorun ilk uzunmetrajlı filmi olan layihə həm dram, həm də siyasi film kimi anılır. Filmin adı üçün ingilis sözü seçilmişdir, çünki "press" həm jurnalistika işini, həm də jurnalistlərin üzərindəki təzyiqi ifadə edir. 47-ci Antalya Altın Portakal Beynəlxalq Film Festivalına seçilmişdir. 2010-cu il istehsalı olan film Türkiyədə 18 mart 2011-də nümayişə çıxmışdır.

Hekayə, 1990-cı illərin qarşıdurmalarla və qarışıqlıqla keçən qaranlıq illərində, 1992-də, Özgür Gündem qəzetinin Diyarbakır bürosunda keçir. Büroda çalışan kiçik jurnalist heyəti, bölgədəki insan hüquqları pozuntularını xəbərləşdirməyə və baş verənləri açıqlamağa çalışır. Faysal adlı jurnalist, ordu ilə əlaqəsi olan, çoxlu sayda faili məchul qətllərlə anılan bir dəstənin izinə rast gəlir. Xəbərin ardınca ölüm təhdidləri almağa başlasa da vaz keçmir. Lakin qarşılarında bir çox əngəl var: texniki imkansızlıqlar, bürokratik işlər, çəkilən fotoşəkilləri çap edə biləcək bir yer tapmaq və bunları İstanbula çatdırmaq. Baş rolda Hakan Karsak yer alır.

Film, yüksək səsli təşviqat dilinə əl atmır. Rejissor, hadisələrin tərəfini açıq hiss etdirir; ancaq əsl dayandığı yer, insanların xəbər alma və xəbər vermə azadlığıdır.