Vətən məsələsi (Memleket Meselesi) (tərcümə)

Memleket Meselesi, İsa Yıldızın rejissorluq etdiyi və ssenarisini yazdığı, 2010-cu ilin sonunda nümayişə çıxan Türk istehsalı dram-komediya filmidir. Baş rolunda Ahmet Uğurlunun yer aldığı iş cəmi 31 həftə ekranlarda qalıb.

Film təqaüdə çıxmasına az qalmış vaxtda doğulduğu qəsəbəyə təyin edilən ibtidai məktəb müəllimi Adil Hocanı mərkəzinə alır. İnadcıl və düzgün xasiyyəti üzündən illərlə sürgün edilmiş, həyat yoldaşı Nazifeni belə bezdirmiş olan Adil Hoca, buna qarşılıq qəsəbə xalqının sevgi və hörmətini qazanmış biridir. Bir gün qəsəbənin gənc bir polis əməkdaşından ağır söyüşlər eşidib şillə yeyəndə qüruru dərindən sarsılır. Polis və prokurorluq qarşısında haqqını axtarsa da istədiyi nəticəni əldə edə bilməyən Hoca, məsələnin dalınca getməkdən əl çəkməməyə qərar verir.

Hamının unutmasını tövsiyə etdiyi bu hadisəni bir şərəf mübarizəsinə çevirən Adil Hoca, qəsəbə sakinlərinin dəstəyi ilə səsini bütün ölkəyə çatdırır və yaşadığı haqsızlığı əsl bir məmləkət məsələsinə çevirir. Heyətdə Bora Akkaş, Ufuk Bayraktar, Füsun Demirel, Tuna Orhan və Ahmet Kural kimi aktyorlar da yer alır.