Kurt Seyit və Şura (Kurt Seyit ve Şura) (tərcümə)

Ay Yapımın hazırladığı dövr serialı Kurt Seyit ve Şura 4 Mart 2014-də Star TV-də başladı. Nermin Bezmenin romanlarından ilhamlanan layihə yazıçının babasının real həyat hekayəsini əsas götürür; lakin roman silsiləsinin ikinci və üçüncü kitablarının birbaşa uyğunlaşdırması deyil. Hekayə krımlı türk zabiti Kurt Seyit Eminof ilə nəcib bir rus ailəsinin qızı Şuranın, yəni Alexandra Verjenskayanın məhəbbətini danışır. Serial 20 Noyabr 2014-də iki mövsüm və 21 bölümlə sona çatmışdır.

Hadisələr I Dünya müharibəsinin, Bolşevik inqilabının və Rusiyadakı vətəndaş müharibəsinin kölgəsində irəliləyir; cütlük Atatürkün Türkiyədə hakimiyyətə gəlişinə uzanan çalxantılı bir dövrün içində qalır. Kurt Seyiti Kıvanç Tatlıtuğ, Şuranı Farah Zeynep Abdullah canlandırır. Heyətdə Fahriye Evcen, Birkan Sokullu, Demet Özdemir, Zerrin Tekindor, Elçin Sangu, Seda Güven və Ushan Çakır da yer alır.

Ssenarini Ece Yörenç yazmış, rejissorluğu Hilal Saral üzərinə götürmüşdür. Başlıq musiqisini və serialdakı digər bütün musiqiləri Toygar Işıklı bəstələmişdir. Bölümləri təxminən 90 dəqiqə çəkən serialın ilk mərhələdə ən azı 26 bölüm davam etməsi planlaşdırılmış, xaricə satışlar da buna uyğun edilmişdi; lakin izlənmə nisbətlərinin gözləntinin altında qalması səbəbindən layihə 21-ci bölümdə bitirildi.