Krala məktub (Krala Mektup) (tərcümə)

Krala Mektup (Norveç dili: Brev til Kongen), Hişam Zamanın rejissorluq etdiyi 2014-cü il istehsalı norveç dram filmidir və rejissorun üçüncü bədii filmidir. Ssenarisini Zamanın Mehmet Aktaşla birgə yazdığı film, Norveç və Birləşmiş Ərəb Əmirlikləri birgə istehsalıdır; dialoqlarında əsasən kürd dili işlədilərkən norveç və ingilis dillərinə də yer verilir. Əhvalat, qaldıqları qaçqın düşərgəsindən bir günlüyünə ayrılma icazəsi alan beş qaçqının Osloda keçirdikləri günü izləyir.

Aktyor heyətində Nazmi Kırık, Ali Bag Salimi, Zheer Durhan, Hassan Dimirci, Ivan Anderson, Derin Kader və Raouf Saraj kimi adlar yer alır. 75 dəqiqəlik film, 2014 Göteborg Film Festivalında Ən Yaxşı Skandinaviya Filmi nominasiyasında Dragon Award qazanmış, həmçinin 2014 Amanda Mükafatlarında Ən Yaxşı Ssenari və Ən Yaxşı Qadın İkinci Plan Aktrisası mükafatlarını almışdır.