Qara Pul Sevgi (Kara Para Aşk) (tərcümə)

Kara Para Aşk Ay Yapım imzalı, 12 Mart 2014-də atv-də çərşənbə axşamları yayıma başlayan türk serialıdır. Prodüserliyini Kerem Çatay üzərinə götürdü, rejissorluğunu Ahmet Katıksız etdi, ssenarisini Eylem Canpolat ilə Sema Ergenekon yazdı. Təxminən 130 dəqiqəlik 54 bölümdən və iki mövsümdən ibarət serial 15 İyul 2015-də sona çatdı. Yüksələn reytinqləri ilə dövrün ən populyar və ən çox izlənən seriallarından biri oldu.

Hekayə polis komissarı Ömerin nişanlısı Sibelin uçurumun kənarında, bir avtomobildə, yaşlıca və varlı bir iş adamının yanında ölü tapılması ilə başlayır. Eyni avtomobildəki ölü zərgər dizayneri Elifin atasıdır. Ömer sevdiyinin qəfil ölümünün və ona yönəldilən ittihamların arxasında çox daha qaranlıq bir hekayə olduğunu anlayır; Elif isə atasının gizli qalmış üzü ilə üzləşir. Baş rolları Engin Akyürek ilə Tuba Büyüküstün bölüşür; Erkan Can, Burak Tamdoğan, Saygın Soysal, Nebahat Çehre və Ali Yörenç də heyətdədir.

İkinci mövsümdə Nebahat Çehre ilə Elifin dostu Baharı oynayan Tuvana Türkay serialdan ayrıldı, heyətə Öykü Karayel qatıldı. Nihat Altınkaya 35-ci bölümdə Serhat roluna qonaq oldu və obrazı 38-ci bölümdə Ömerin gülləsi ilə hekayədən çıxdı. Serial beynəlxalq bazara 45-ər dəqiqəlik 164 bölüm olaraq təqdim edildi.