Dəli Yusuf (Deli Yusuf) (tərcümə)

Deli Yusuf, Atıf Yılmazın rejissorluq etdiyi 1975-ci il istehsalı türk döyüş-macəra filmidir. Ssenarisini Umur Bugay, Bülent Oran, Berrin Giz və Atıf Yılmazın birlikdə yazdığı film, Erman Film tərəfindən Hürrem Ermanın prodüserliyi ilə çəkilmişdir. Fransız mənbələri filmin böyük ölçüdə Köroğlu əfsanəsindən ilham aldığını qeyd edir.

Hekayədə qanunsuz işlərlə məşğul olan fabrik sahibi Abbas Bolulu, Çamlıbeldəki gecəqonduqları dağıtmaq istəyir. Xalq Abbasa qarşı Deli Yusufdan kömək istəyir. Abbas isə Yusufa güllə keçirməyən bir maşın sifariş edir. Yusuf əmrlərlə hərəkət edən bir maşın istehsal edir, lakin bunun müqabilində Abbasın məhəllə əhalisinə mülk sənədlərini verməsini şərt qoyur. Abbas sözündən dönəndə Yusufun oğlu Əli maşını geri almaq üçün Abbasla mübarizəyə girişir.

Filmin baş rollarında Əli rolunda Cüneyt Arkın, Melek rolunda Zerrin Arbaş və Deli Yusuf rolunda Kadir Savun yer alır. Ali Şen, Osman Alyanak və Erol Keskin kimi Yeşilçamın tanınmış aktyorları da heyətdə iştirak edir.