Cəsurların Döyüşü (Nouvelle-France) (tərcümə)

Battle of the Brave, orijinal adı ilə Nouvelle-France (“Yeni Fransa”), 2004-cü il tarixli tarixi romantik dramdır. Fransa, Birləşmiş Krallıq və Kanadanın birgə layihəsi olan film Kvebekdə o günə qədər çəkilmiş ən bahalı layihə kimi xatırlanır; təxminən 30 milyon Kanada dollarına başa gəlmişdir. İngilis və fransız versiyaları eyni zamanda çəkilmişdir. Rejissor kreslosunda Kvebek kinosunun Le Matou kimi sevilən nümunələrini çəkmiş Jean Beaudin əyləşir; ssenari Pierre Billon ilə Gilles Carleyə məxsusdur. Türkiyədə Umutlar Ülkesi adı ilə 2006-cı ilin noyabrında göstərildi.

Hekayə 18-ci əsrdə Kvebekdə, Britaniyanın hərbi işğalının ilk illərində keçir və 1763-cü ildə baş vermiş “la Corriveau” hadisəsindən çox sərbəst şəkildə ilhamlanır. Le Gardeur burjua nizamını tərk edib meşədə yerlilərlə yaşayan gənc kişidir; atasının xəstə olduğunu öyrənib vidalaşmaq üçün qayıdır, lakin çatdıra bilmir. Qəsəbədə şəfaçı Marie-Loup ilə tanış olub ona aşiq olur. Lakin Ata Blondeaunun gənc qadına yönəlik fasiləsiz tənqidləri əslində ona qarşı bəslədiyi hisslərdən doğur və cütlüyün həyatını təhlükəyə atır.

Heyətin başında Noémie Godin-Vigneau, David La Haye, Juliette Gosselin və Sébastien Huberdeau gəlir. Beynəlxalq cəlbetmə gücünü isə Gérard Depardieu, Irène Jacob, Vincent Pérez, Tim Roth, Jason Isaacs və Colm Meaney təşkil edir.