Yahshi Batı (Yahşi Batı) (përkthyer)

Yahşi Batı është një komedi turke me regji nga Ömer Faruk Sorak, me skenar nga Cem Yılmaz, i cili luan edhe rolin kryesor. Filmi, që e kthen zhanrin western në parodi, doli në kinema në të gjithë Turqinë më 1 janar 2010 dhe u radhit ndër filmat turq me të ardhurat më të larta të vitit. Edhe në javën e dytë mbeti në krye të arkës. Filmi mban firmën e Böcek Yapım. Titulli është një lojë fjalësh që bazohet te shndërrimi i shprehjes "Vahşi Batı" në "Yahşi Batı", pra në një perëndim të butë e të dashur.

Historia shtrihet në vitin 1881. Cem Yılmaz luan agjentin Aziz Vefa, anëtar i Teşkilat-ı Mahsusa. Sulltani Abdülhamit II i ka dërguar presidentit të SHBA-së, James Garfield, një diamant me vlerë si dhuratë, dhe Aziz Bey, së bashku me shokun e udhës, Lemi Bey, ngarkohet ta çojë këtë amanet. Por gjatë udhëtimit me tren, kusarët e ndalojnë trenin dhe diamanti e paratë u shkojnë nga duart. Duke dashur ta gjejnë diamantin dhe të rifitojnë paratë e humbura, çifti hyn në një nga punët e kërkuara të kohës, pra në gjuetinë e shpërblimeve pas kriminelëve të ashpër. Në qytezën ku vendosen i presin lloj-lloj telashesh dhe aventurash qesharake.

Cem Yılmaz shoqërohet nga Ozan Güven, Demet Evgar, Cansu Dere, Özkan Uğur, Zafer Algöz, Uğur Polat dhe Mazlum Çimen.