Star Trek Përtej (Star Trek Beyond) (përkthyer)

Star Trek Beyond është një film amerikan shkencor-fantastik dhe aksion i vitit 2016, i drejtuar nga Justin Lin. Prodhimi, që është filmi i trembëdhjetë kinematik i universit Star Trek të krijuar nga Gene Roddenberry, përbën kapitullin e tretë të serisë të rinisur pas Star Trek (2009) dhe Star Trek Into Darkness (2013). Skenarin e shkruan Simon Pegg dhe Doug Jung; ndërsa Chris Pine dhe Zachary Quinto kthehen në rolet e kapitenit Kirk dhe komandantit Spock, Idris Elba dhe Sofia Boutella iu bashkuan kastit.

Në histori, ekuipazhi i anijes Enterprise mbetet i bllokuar në një planet të panjohur dhe duhet të përballet me një armik misterioz që planifikon të shkatërrojë Federatën. Pas xhirimeve që filluan më 25 qershor 2015 në Vancouver, filmi u shfaq më 22 korrik 2016 nga Paramount Pictures. Filmi fitoi rreth 343 milionë dollarë në mbarë botën, u kandidua për Oskar për grim dhe dizajn flokësh më të mirë dhe iu dedikua kujtimit të Leonard Nimoy dhe Anton Yelchin, të cilët vdiqën para shfaqjes.