Safir

Safir është një serial turk dramë familjare, prodhim i NTC Medya, i regjisuar nga Semih Bağcı dhe i shkruar nga Burcu Över. Xhirimet e serialit, episodi i parë i të cilit u transmetua në ATV më 4 shtator 2023, u bënë në Kapadokia. Seriali u mbyll në një sezon të vetëm me episodin e 26-të, të transmetuar më 26 shkurt 2024. Seriali u nominua në çmimet Ndërkombëtare Emmy 2024 në kategorinë e telenovelës më të mirë.

Historia zhvillohet rreth familjes Gülsoy, një nga familjet kryesore të Kapadokias. I biri i madh Ateş (İlhan Şen) e ka lënë shtëpinë vite më parë sepse nuk iu nënshtrua autoritetit dërrmues të gjyshit të tij Ömer. Me dëshirën e nënës së tij Gülfem kthehet nga Amerika dhe, së bashku me vëllezërit Yaman (Burak Berkay Akgül) dhe Okan, përgatitet ta marrë dhe ta rritë biznesin e familjes. Me kthimin e vëllait të madh, Yamani vendos t'i propozojë martesë të dashurës së tij Feraye (Özge Yağız); për këtë përdor unazën e trashëgimisë familjare me safir, që e kishte marrë fshehurazi nga nëna kur ishte fëmijë. Teksa çifti numëron ditët e dasmës, një tragjedi e përmbys çdo ekuilibër. Ndërsa rruga e Feraye dhe Yamanit vështirësohet në udhë të rrezikshme plot dashuri, pasion, hakmarrje dhe tirani, Ateşi me vendimet radikale që merr për të mbrojtur të dashurit e tij fiton armiq të rinj dhe përplaset edhe me vëllezërit.

Në kast janë edhe Gizem Karaca dhe Erkan Bektaş në rolin e Vural Bakırcıoğlu-t.