Historia jonë (Notre histoire) (përkthyer)

Notre histoire është një film francez i vitit 1984, skenarin dhe regjinë e të cilit i mbajti përsipër Bertrand Blier. Në film, ku rolet kryesore i ndajnë Alain Delon dhe Nathalie Baye, Delon interpreton, në një rol të pazakontë, personazhin e alkoolistit Robert Avranche; heroi lëkundet midis pasionit të tij për pijen dhe dashurisë ndaj një gruaje që njeh në tren. Në produksionin e Blier-it del në pah edhe tema e pakënaqësisë së gruas.

Filmi fitoi dy çmime César në vitin 1985: Alain Delon u nderua për aktorin më të mirë, ndërsa Bertrand Blier për skenarin më të mirë. Nominuar gjithashtu për montazhin dhe skenografinë më të mirë, produksioni nuk arriti suksesin e pritur në arka. Filmi, me kohëzgjatje 110 minuta, njihet edhe me emrin Our Story në shfaqjet ndërkombëtare.