Ai që rrëzohet vetë nuk qan (Kendi Düşen Ağlamaz) (përkthyer)

Kendi Düşen Ağlamaz është një serial turk i llojit të komedisë romantike, i përgatitur nga NG Medya dhe i transmetuar në TRT 1. Prodhimi, episodi i parë i të cilit u takua me publikun më 22 qershor 2023, i trajton temat e dashurisë dhe të familjes me një ton të lehtë humori. Emri është marrë nga një shprehje që do të thotë “ai që bie vetë nuk qan”; kujton se nuk duhet t’ia ngarkojmë dikujt tjetër përgjegjësinë për atë që na ka ndodhur. Seriali është përshtatur nga romani me të njëjtin titull i Ayşegül Çiçekoğlus, botuar në vitin 2017.

Në qendër të historisë është Alize, që e ka humbur nënën ditën kur lindi dhe është rritur e llastuar nga babai. Alize, e bukur por egoiste dhe e llastuar, tërbohet kur mëson se babai i saj do të martohet sërish. Për t’u hakmarrë, vendos të bëjë një martesë të rreme me një burrë që babai nuk do ta miratonte kurrë; por punët nuk shkojnë aspak siç i kishte planifikuar. Në rolet kryesore janë Hakan Yılmaz, Selen Soyder, Enes Koçak dhe Eylül Tumbar; Sait Genay luan Hayri Dedenë.

Regjinë e kanë marrë përsipër Emre Kabakuşak dhe İnci Balabanoğlu Ahıska, skenarin e kanë shkruar Gülbike Sonay Üte dhe Tuna Kıygı. Seriali zgjati 27 episode dhe u mbyll me episodin e transmetuar më 4 janar 2024; kështu qëndroi në ekran rreth shtatë muaj.