Ibo dhe Gullushah (İbo ile Güllüşah) (përkthyer)

İbo ile Güllüşah, që doli nga duart e Atıf Yılmazit, është një komedi turke e prodhuar në vitin 1977. Rolet kryesore i ndajnë Kemal Sunal dhe Gülşah Soydan; Sunal luan İbon, Soydan Güllüşahun, vajzën e vogël që i dha emrin filmit. Skenarin e kanë shkruar së bashku Deniz Türkali dhe İhsan Bilsev, filmin e ka prodhuar Gülşah Film.

Pika e nisjes së historisë është İbo, që nuk gjen çmimin e nuses për Nazlın me të cilën do të martohet. Babai i Nazlës nuk dëshiron t'ia japë vajzën një burri të varfër dhe kërkon një çmim nuseje që İbo nuk mund ta paguajë. Pas kësaj Nazlı ikën te i dashuri, por çifti, që nuk di çfarë të bëjë, kapet menjëherë. Meqë mosha në letërnjoftimin e Nazlës duket e vogël, İbo futet në burg; ndërkohë vajza dhe familja e saj shpërngulen në Stamboll. Sapo del nga burgu, İbo merr rrugën për në qytet dhe njihet me Güllüşahun, vajzë e një familjeje të pasur. Midis vajzës, që nuk e gjen vëmendjen që pret nga prindërit, dhe İbos nis një miqësi e madhe dhe Güllüşah bën ç'është e mundur që İbo të bashkohet me të dashurën e tij.

Në kast, krahas Kemal Sunalit dhe Gülşah Soydanit, janë Ayşen Gruda, Celile Toyon (nëna e Güllüşahut), Deniz Türkali, Bilge Zobu, Muadelet Tibet, Halit Güngör dhe Ali Şen. Muzikën e kanë drejtuar Arif Sağ dhe Zafer Dilek, pamjet Çetin Tunca.