Natë e ditë (Gece Gündüz) (përkthyer)

Gece Gündüz është një serial turk polici, dramë, krimi dhe komedie, prodhimin e të cilit në vitin 2008 e ndërmori Altıoklar. Nisi në Kanal D më 4 korrik 2008 dhe pas një sezoni përfundoi më 22 mars 2009 me episodin e 29-të. Dhjetë episodet e para u shfaqën të premten në orën 20.00, nga episodi i 11-të deri te finalja të dielën në të njëjtën orë. Regjisori i tij është Sarp Levendoğlu; në ekipin e skenarit ishin Ebru Hacıoğlu, Erkan Birgören, Alper Uyar, İrfan Şahin dhe Sevgi Saygı.

Historia zhvillohet në Stamboll, në njësinë e luftës kundër krimit të organizuar. Komisarin kryesor Aslan Aydemir e luan Sarp Levendoğlu, komisar Kemalin, më të qetin dhe me familje, Settar Tanrıöğen. Gazetaren Alev e luan İpek Özkök, motrën e saj Pınar e luan Damla Sönmez. Bülent Şakrak është Sipsi, që i sjell Aslanit informacion nga bota e bandave; Ushan Çakır është në rolin e komisar Yavuz, Ceren Olcay të Akasya, vajzës së Kemalit, Okan Albayrak të Optik.

Muzika e hapjes është kënga popullore "Uzun İnce Bir Yoldayım" e Âşık Veysel; në episodet 22 deri 24 u përdor edhe kënga "Sahibinin Sesi" e Sagopa Kajmer.