I çuditshëm, i çuditshëm (Bizarre, Bizarre) (përkthyer)

Bizarre, Bizarre (me titullin origjinal Drôle de drame) është një film francez komedi-drama i vitit 1937, i regjisuar nga Marcel Carné. Filmi është përshtatur nga romani His First Offence i vitit 1912, i shkrimtarit anglez Joseph Storer Clouston; skenari dhe dialogët i përkasin Jacques Prévert-it. Prodhimi, që mban elemente të forta kritike shoqërore dhe satirike, fitoi famë falë dialogëve të Prévert-it.

Në rolet kryesore të filmit shfaqen Michel Simon, Louis Jouvet, Françoise Rosay dhe Jean-Louis Barrault. Skena kult e dialogut mes Michel Simon dhe Louis Jouvet, që fillon me fjalët « Je vous assure mon cher cousin, que vous avez dit bizarre », u bë një nga momentet më të njohura të filmit. Filmi, me kohëzgjatje 105 minuta, doli në ekranet e Francës në vitin 1937.