Yuxusuz Gecə (Nuit blanche) (tərcümə)

Frédéric Jardin 2011-ci ildə fransız dilində aksiyon-triller Nuit blanche (beynəlxalq adı ilə Sleepless Night) filmini çəkdi. Fransa, Belçika və Lüksemburq birgə istehsalı olan film həmin il Toronto Beynəlxalq Film Festivalında dünya premyerasını keçirmiş və tənqidçilərdən müsbət reaksiya almışdır. Fransada 16 noyabr 2011-ci ildə, Türkiyədə isə Soluksuz Gece adı ilə 8 iyun 2012-ci ildə ekranlara çıxmışdır.

Hekayə Parisdə keçən tək bir gecəni danışır. Yeraltı dünyası ilə bağlı, pozğun polis olan Vincent (Tomer Sisley) həmkarı Manuelle (Laurent Stocker) birlikdə Korsika mafiyasına aid kokaini ələ keçirir. Şəxsiyyətinin qısa müddətdə üzə çıxması ilə dəstə Vincentin ən zəif nöqtəsi olan oğlu Thomasu (Samy Seghir) qaçırır. Dəstənin yeganə tələbi oğurlanmış kokaindir: Vincent bu kokaini şəhərin kənar məhəllələrindən birindəki gecə klubuna aparmalıdır. Kokaini itirən mafiya başçısı José Marcianonu Serge Riaboukine canlandırır. Heyətdə Catalina Denis, Adel Bencherif, Julien Boisselier, Pom Klementieff və türk aktyor Birol Ünel də yer alır; Ünelin çıxışı bəyənilmişdir.

Ssenarini Jardin Nicolas Saada ilə birlikdə yazmışdır. Film bir avtomobil təqibi ilə başlayan tempi və zorakılıqla yumorun bir arada getdiyi povesti ilə diqqət çəkir.