Sağ-salamat (Sağ Salim) (tərcümə)

Ersoy Güler, 18 may 2012-də nümayişə çıxan Türk yol komediyası Sağ Salim filmini həm çəkdi, həm də prodüserliyini üzərinə götürdü. Film, ölümdən və ölülərdən ödü qopan sadəlövh bir Anadolu kəndlisinin, məcburən bir cənazə daşınmasına çıxmasının yaratdığı qarışıqlığı danışır. Film sonradan Sağ Salim 2: Sil Baştan adlı bir davam filmi doğurmuşdur.

Baş qəhrəman Salimi Burçin Bildik oynayır. Salim, Fenerbahçe rənglərinə, yəni kanareyka sarısına boyanmış köhnə pikapı ilə kənddən qəsəbəyə mal daşıyaraq üç-beş qəpik qazanan biridir. Kabus gördüyü bir səhər kənd başçısı ondan Mersindən Sivasa bir cənazə aparmasını istəyir; Salim çox könülsüz olsa da kənd başçısının israrını qıra bilmir. Cənazənin gəldiyi yer Silifkenin Değirmendere kəndidir. Sandığa bənzəyən tabut pikapın arxasına yüklənir və komediya dolu səyahət başlayır. Yolda tabutun qapağı açılanda qorxudan nə edəcəyini çaşan Salimə Recai (Alper Saldıran) kömək edir. Fulya Zenginer, Oğuzhan Uğur və Nazlı Tosunoğlu da heyətdə yer alır; kənd başçısını Hüseyin Avni Danyal canlandırır.

Gülerin yanı sıra ssenari komandasında Ali Alper Erze, Korhan Uğur və Şeyda Delibaşı adları keçir. Bir tənqidçi filmi, insanı gülmə tutmasına salan filmlərdən biri kimi qiymətləndirir.