Relslər (Rotaie) (tərcümə)

Rotaie, beynəlxalq adı ilə Rails, Mario Camerininin ssenarisini yazıb quruluşunu verdiyi İtalyan istehsalı qara-ağ bir dram filmidir. 1929-cu ildə səssiz film olaraq çəkilən istehsal, Farnesina studiyalarında həyata keçirilən prodüksiyadan sonra Gaumont-Poulsen səs sistemi ilə səsləndirilərək mart 1931-ci ildə səsli versiyası ilə nümayişə çıxmışdır.

Baş rollarda Almaniyada böyük uğur qazanmış macar aktrisa Käthe von Nagy ilə italyan aktyor Maurizio D'Ancora yer alır; heyətdə Daniele Crespi, Giacomo Moschini, Carola Lotti və Guido Celano da vardır. 89 dəqiqəlik film, 1920-ci illərin böhranı ilə istehsalı demək olar ki, dayanan İtalyan kinosunda o il nümayişə çıxa bilən bir neçə istehsaldan biri olmuş, Alessandro Blasettinin Sole filmi ilə birlikdə İtalyan kinosunun yenidən doğuluşunun başlanğıcı sayılmışdır.