Musallat 2: Lənət (Musallat 2: Lanet) (tərcümə)

Musallat 2: Lanet 2011-ci il dekabrın 2-də ekrana çıxan türk dəhşət filmidir. Rejissorluğu və ssenarisi Alper Mestçiyə məxsusdur. Film başqa dünyalardan gələn bir varlığın bir cütə musallat olmasını danışan 2007-ci il tarixli ilk Musallat filminin davamıdır. Təxminən 110 dəqiqə davam edən layihə Türkiyə kinoteatrlarında 513 min 593 nəfər tərəfindən izlənilmişdir.

Hekayənin mərkəzində müəllim Elif var. İnsan yaddaşı iki yaşından əvvəlkini xatırlaya bilmir; Elifin həyatı isə məhz bu qaranlıq dövrə uzanan problemlər üzündən kabusa dönür. Başına gələn problemlərin mənbəyi keçmişindən gələn böyük bir səhvdir və geri dönüşü olmayan lənətli bir sehrlə bağlıdır. Elif bu naməlum uşaqlıq dövrü ilə üzləşmək məcburiyyətində qalır. Elifi Reha Erdemin mükafatlı filmi Kosmosdan tanınan Türkü Turan canlandırır; ona Tülay Bursa, Selim Gürata və Zeliha Güney yoldaşlıq edir.

Layihənin hazırlıq prosesi altı ay çəkmişdir. Çəkilişlər İznikə bağlı İhsaniye və Sansarak kəndlərində və İstanbulda aparılmışdır. Vizual effektlər, sənət rejissorluğu və plastik qrim kimi texniki təfərrüatlarla önə çıxması gözlənilən filmin heyəti hazırlıq zamanı Anadolunun müxtəlif qəsəbələrində sehrbazlıqla maraqlanan insanlarla da görüşmüşdür. Film sehr hadisəsini mübahisəli səhnələri ilə sorğulamağı da qarşısına məqsəd qoyur.