Sabit Qarmaq 2 (Sabit Kanca 2) (tərcümə)

Sabit Kanca 2, Sabit Kanca filminin davamı olaraq çəkilmiş 2014-cü il tarixli türk komediyasıdır. Rejissor kreslosunda Alper Mestçi oturur, ssenari Ersan Özerindir. İstehsalçı şirkət Muhteşem Film, distribyutor Pinemadır. Film 24 Oktyabr 2014-cü ildə nümayişə çıxdı, 11 həftə ekranda qaldı və 84.042 nəfər tərəfindən izlənildi. Müddəti 94 dəqiqədir.

Yenə baş rolda adını filmə verən Sabit Kanca var; obrazı İsmail Baki Tuncer oynayır. Ev sahibi Rıfat Amca (Zeki Ocak) televiziyada gördüyü Rencide Posuka könül verir və onunla evlənmək istəyir. Lakin ilk görüşdə Rencide Rıfat Amcaya isti baxmır. Aranı düzəltmək işi kirayəçisinə qalır; yığılıb qalmış kirayə borcuna görə Kancanın başqa seçimi yoxdur. Elə bu zaman Rencidenin qızı Zelişin (Damla Ersubaşı) keçmiş sevgilisi Turabi ortaya çıxır. Turabini Turabi Çamkıran canlandırır. Obsesiv məhəbbəti ilə Zelişə qovuşmaq istəyən Turabi Rencideni qaçıranda işlər daha da çətinləşir və həlli tapmaq yenə Kancanın üzərinə düşür.

Heyətdə İrfan Aslanhan (Hakan), Fırat Sobutay (Ankaralı Davut), Volkan Kantoğlu (Tombiş), Seda Oğuz (Şule), Sedat Kalkavan və Ender Sakallı da yer alır. Operator Bekir Toplar, musiqi müəllifləri Saki Çimen ilə Uğur Ateşdir.