Siccîn 2

Siccîn 2, türk dəhşət kinosunda Siccîn seriyasının ikinci filmi olaraq 10 iyul 2015-də nümayişə çıxmışdır. Alper Mestçinin çəkdiyi, ssenarisini Ersan Özer ilə birlikdə yazdığı film təxminən 86 dəqiqə davam edir. Film nümayişdə qaldığı müddət ərzində 289 min 327 nəfər tərəfindən izlənmişdir. Muhteşem Filmin prodüserliyini üzərinə götürdüyü filmin distribütorluğunu The Moments Entertainment həyata keçirmişdir.

Hekayə xoşbəxt evlilik sürən Hicran ilə Adnanın 2 yaşlı oğullarını qəzada itirməsi ilə başlayır. Həyatları alt-üst olan cütlük eyni evdə yaşamağa davam edir, amma artıq bir-birinə yaddır. Hicranı izah edilməsi mümkün olmayan hadisələr də sarsıtmağa başlayanda ruh sağlamlığı daha da pozulur. Nəhayət, bir mollaya müraciət edir və özünə "41 tikiş" adlı sehr edildiyini öyrənir. Bu sehr ən güclü sehrlərdən biri sayılır və 41 ayrı niyyətlə edilə bilər. Hicranın sehri aça bilməsi üçün həm onu etdirən şəxsi tapması, həm də hansı niyyətlə edildiyini öyrənməsi lazımdır. Bu axtarış onu xəyal belə edə bilmədiyi həqiqətlərlə üz-üzə gətirir.

Hicranı Şeyda Terzioğlu canlandırır; Ece Baykal və Reyhan İlhan da baş rolları bölüşür. Heyətdə ayrıca Bulut Akkale, Yavuz Çetin, Seda Oğuz (Zehra), Berat Efe Parlar, İbrahim Kolcu, Efsun Akkurt (Aynur) və Emre Kerem Ketenci yer alır. Musiqisini Reşit Gözdamla etmiş, görüntü rejissorluğunu Feza Çaldıran ilə Halil İbrahim Çekiç üzərinə götürmüşdür.