Fırıldaqçılar (The Grifters) (tərcümə)

Martin Scorsesenin prodüserliyini öz üzərinə götürdüyü, Stephen Frearsın çəkdiyi Amerika neo-noir cinayət trilleri Dolandırıcılar (orijinal adı ilə The Grifters) 1990-cı il filmidir. "Grifter", psixoloji incəliklə qurbanının inamını qazanan fırıldaqçını ifadə edən Amerika jarqon sözüdür. Ssenari, Jim Thompsonun 1963-cü il tarixli romanından Donald E. Westlake tərəfindən uyğunlaşdırıldı. John Cusack romanı 1985-ci ildə oxumuş və filmə uyğunlaşdırmaq istəmişdi.

Hekayə, kiçik hiylələrlə dolanan gənc fırıldaqçı Roy Dillonun (John Cusack) düzənini izləyir. Mafiya hesabına mərc fırıldaqçılığı edən anası Lilly (Anjelica Huston) illər sonra çıxıb gəlir; Royun sevgilisi Myra (Annette Bening) də eyni işin adamıdır və Lillydən ilk anda xoşlanmır. İki qadının arasında qalan Roy, ya bu həyatı buraxacaq, ya da çox daha böyük vurğunlara yönələcəkdir; kimin kimə oyun oynadığı getdikcə dumanlaşır.

Film Toronto Film Festivalında 14 sentyabr 1990-cı ildə nümayiş etdirildi, ABŞ-da 5 dekabr 1990-cı ildə Miramax vasitəsilə nümayişə çıxdı. Məhdud nümayiş səbəbindən kassada 14 milyon dollara yaxın gəlir əldə etdi; yenə də Huston Ən Yaxşı Qadın Rolu, Bening Ən Yaxşı İkinci Plan Qadın Rolu, Frears Ən Yaxşı Rejissor və Westlake Ən Yaxşı Uyğunlaşdırılmış Ssenari kateqoriyalarında Oskar namizədi oldu. Müstəqil Ruh Mükafatlarında Ən Yaxşı Film seçildi və National Board of Reviewun ilin ən yaxşı on filmi arasına girdi. Musiqisi Elmer Bernsteinə məxsusdur.