Levent Can

Levent Can — Tərcümeyi-hal

Levent Can 23 avqust 1971-ci ildə İstanbulda anadan olub. Serial, kino və teatr aktyorudur.

Aktyorluğa 1991-ci ildə Aile Bağları serialı ilə addım atan Can 1992-ci il istehsalı Denize Hançer Düştü filmində Koray obrazını canlandırıb. Sonrakı illərdə Beyoğlu Rüyası, Bir Tatlı Huzur, Ah Be İstanbul, Sırça Köşk, Kavak Yelleri və Emret Komutanım kimi bir çox serialda rol alıb.

2009-cu ildə Ezel və Hicran Yarası seriallarında oynayan aktyor 2010-cu il istehsalı Sinyora Enrica ile İtalyan Olmak filmində Franceskonu canlandırıb. Son adlı serialda Cevdet Korukan, Kurtlar Vadisi Pusu serialında isə Fehmi Kuzuzade obrazı ilə tamaşaçıların qarşısına çıxıb; 2016-cı ildə İçerde, 2017-ci ildə İçimdeki Fırtına serialında Selim rolu ilə yer alıb. 2020-ci ildə Arıza serialında və Aşk Tesadüfleri Sever 2 filmində oynayıb.

Usta aktyor son olaraq Adile Naşitin həyatından bəhs edən Adile filmində Münir Özkulu canlandıraraq gündəmə gəlib.