I Çali (Topal) (përkthyer)

Filmi turk dramatik e aventureske i vitit 1973 Topal është xhiruar nën regjinë e Orhan Elmas. Skenarin e filmit e kanë shkruar së bashku İrfan Atasoy dhe Safiye Yankı, ndërsa prodhimin e ka marrë përsipër İrfan Film. Në rolet kryesore janë İrfan Atasoy dhe Meral Orhonsay; në kast janë edhe Eşref Kolçak, Bilâl İnci dhe Yıldırım Gencer.

Filmi rrëfen historinë e Müslümit, i njohur për trimërinë dhe guximin e tij. Müslümi, që nuk dëshiron t'ia humbasë tjetërkujt Zührenë, gruan që do, ikën me të. Por njerëzit e agait i ndjekin dy të dashuruarit. Kur Müslümi dhe Zühreja fillojnë ta vënë jetën e tyre në rregull dhe pa arritur të jetojnë gëzimin e foshnjës që prisnin, ata detyrohen të ikin nga ndjekësit që ua kanë gjetur gjurmët. Në fund të një ndjekjeje të gjatë, Müslümi, i kapur, përballet me mizorinë e atyre që duan ta bëjnë të flasë për vendndodhjen e gruas së tij.