Vizita e Bandës (The Band's Visit) (përkthyer)

The Band's Visit (me titullin origjinal në hebraisht Bikur Ha-Tizmoret), filmi i parë metrazh i gjatë i Eran Kolirin, është komedi-dramë e shkruar nga vetë regjisori dhe prodhim i vitit 2007. Është bashkëprodhim i Izraelit, Francës dhe SHBA-së; producentë janë July August Productions dhe Dulac Productions. Rolet kryesore i ndajnë Sasson Gabai, Ronit Elkabetz, Saleh Bakri dhe Uri Gavriel. Filmi mori lëvdata nga kritikët dhe nga shikuesit; fitoi tetë çmime Ophir të Akademisë së Filmit të Izraelit, mes tyre edhe çmimin për Filmin më të Mirë.

Orkestra e vogël e policisë së Aleksandrisë nga Egjipti nis udhë për të luajtur në një ceremoni hapjeje në Izrael. Në aeroport askush nuk i pret; për më tepër, sepse anëtarët nuk mund ta shqiptojnë tingullin "p", pyesin për rrugën drejt një qyteze imagjinare, "Bet Hatikva", në vend të Petah Tikvas, dhe mbeten të bllokuar në një qytezë të vogël e të largët izraelite në mes të shkretëtirës. Në rolin e Tewfiq është Sasson Gabai, në rolin e Dinës Ronit Elkabetz, në rolin e Haledit Saleh Bakri, në rolin e Simonit Khalifa Natour.

Në Çmimet e Filmit Evropian mori çmimet e aktorit më të mirë dhe të Zbulimit Evropian të Vitit. Izraeli e dërgoi filmin në Çmimet e 80-ta të Akademisë si kandidat për film në gjuhë të huaj; por Akademia e refuzoi kërkesën, sepse më shumë se gjysma e dialogëve ishte në anglisht. Izraeli dërgoi në vend të tij Beaufort dhe ky film hyri mes pesë kandidatëve të fundit.