I braktisur (Terkedilmiş) (përkthyer)

Terkedilmiş është një film turk i dramës, prodhim i vitit 2015, regjia dhe skenari i të cilit i përkasin Korhan Uğur-it. Ky punim, që është filmi i dytë me metrazh të gjatë i Uğur-it, tregon dramën e një familjeje emigrantësh sirianë që kishin ikur nga vendi i tyre për shkak të luftës, dramë e ndërthurur me mafien e organeve. Historia formësohet rreth një operacioni të paligjshëm ku kryqëzohen jetët e nëntë personave dhe zhvillohet kryesisht në Izmir.

Në kastin e filmit gjenden emra si Levent Ülgen, Hakan Vanlı, Sema Şimşek, Neriman Uğur dhe Hakkı Ergök. Aktorët azerbajxhanas Gönül Nagiyeva dhe Kamran Ağabalayev interpretojnë personazhet e emigrantëve. Levent Ülgen luan rolin e një njeriu të pasur, Hakan Vanlı një të pastrehë, Sema Şimşek një infermiereje dhe Hakkı Ergök një mjeku.

Xhirimet e filmit u përfunduan brenda afërsisht dy javëve, ndërsa filmi doli në ekrane më 15 maj 2015. I realizuar nga Saygın Film, ky punim numërohet ndër shembujt që trajtojnë problemin aktual të migrimit të asaj periudhe me një gjuhë kinematografike të pavarur.