Shkurt (Şubat) (përkthyer)

Şubat është një dramë e prodhuar nga Eflatun Film, e drejtuar nga Volkan Kocatürk, që filloi në TRT 1 më 14 shtator 2012. 21 episodet e para u transmetuan të premteve në mbrëmje në orën 20.00, nga episodi 22 deri në finale të enjteve në mbrëmje në orën 20.00; seriali përfundoi në 2013 me episodin e 32-të.

Şubat është një fëmijë pa askënd, i lënë një ditë dimri te dera e jetimores. Një natë në jetimore ndodh një zjarr enigmatik dhe fëmija shpëton me një shenjë djegieje në fytyrë. Ditë më vonë, Aziz Bey (Musa Uzunlar), një i pastrehë që jeton duke mbledhur gjëra nëpër rrugë, e gjen brenda një pusi. Aziz Bey e vë re se fëmija është jashtëzakonisht i fortë e i zgjuar dhe e rrit larg botës së jashtme. Dashuria që Şubat (Alican Yücesoy) ndjen për gazetaren televizive Yağmur Çankaya (Melisa Sözen) e përballon me botën reale. Babai i Yağmurit, mjeku Cihan Çankaya, është vrarë para syve nga një i ri i pastrehë; familja e saj është edhe pronare e jetimores. Yağmuri vrapon pas lajmeve me kameramanin Santo. Në një sulm në rrugë Şubat e shpëton atë, pastaj del një kufomë dhe dyshimet e Yağmurit shtrihen te sekretet e familjes së saj.

Në kast Serkan Ercan luan kryekomisarin Arif, Özkan Uğur Samim Akçën, Ülkü Duru Yıldız Çankayan, Tansu Biçer Saltukun, Sermet Yeşil Deli İbrahimin, Nadir Sarıbacak Duble Davutin.