Të pafajshëm (Masumlar) (përkthyer)

Masumlar Apartmanı është një serial turk dramatik psikologjik, prodhuar nga OGM Pictures, transmetimi i të cilit filloi më 15 shtator 2020 në TRT 1. Seriali, i krijuar nga Onur Güvenatam, është adaptuar nga pjesa "Çöp Apartman" e romanit Madalyonun İçi të psikiatres dhe shkrimtares Gülseren Budayıcıoğlu, botuar në vitin 2004. Skenarin e kanë shkruar Deniz Madanoğlu, Rana Mamatlıoğlu dhe Ömer Gürkan Şimşek; regjinë e kanë drejtuar Çağrı Vila Lostuvalı dhe Çiğdem Bozali.

Seriali trajton gjendjen psikologjike të katër vëllezërve e motrave që jetojnë në të njëjtën shtëpi në Stamboll dhe jetën rreth tyre. Rolet kryesore i kanë ndarë Birkan Sokullu, Ezgi Mola, Merve Dizdar, Farah Zeynep Abdullah dhe Aslıhan Gürbüz. Vepra, e përbërë nga dy sezone, i dha lamtumirë ekraneve duke përfunduar me episodin e 71-të, të transmetuar më 24 maj 2022.