Një histori dashurie qesharake (Komik Bir Aşk Hikayesi) (përkthyer)

Komik Bir Aşk Hikayesi është një komedi romantike turke e drejtuar nga Cüneyt Yosulçay. Filmi paraqitet si një histori dashurie e lehtë, që e përziejnë argëtimin me dramën. Skenarin e shkroi Aydoğan Temel, i cili është njëkohësisht një nga aktorët kryesorë. Producent i filmit ishte Ulaş Çobancı, ndërsa shpërndarjen e bëri Özen Film.

Heroi i historisë, Atilla, për shkak të një sëmundjeje para dhjetë vjetësh e ka humbur gradualisht shqisën e shikimit dhe ka mbetur i verbër. Për t'i dhënë ngjyrë jetës së tij që po bëhej gjithnjë e më e mërzitshme dhe pa dalje, vendos të marrë një kujdestar. Por kandidatët për kujdestar i pret një befasi: Atilla i pret ata që vijnë në shtëpinë e tij jo si i verbër, por duke u sjellë sikur është i dënuar të rrijë në karrige me rrota. Kur asnjë nga kandidatët nuk e bind, Atilla kthehet te vetmia e tij dhe i jep fund kësaj loje të shkurtër. Pikërisht atëherë në jetën e tij hyn Leyla, e bukura e bukurave, dhe punët ngatërrohen. Leylën e luan Arzu Yanardağ, Atillën Aydoğan Temel.

Muzikën e kanë bërë Murat Yaprak dhe Cengiz Ünal, kurse regjinë e fotografisë e kanë marrë përsipër Ümit Ardabak dhe Engin Saygılı. Montazhin e bëri Ferhat Yüksel. Filmi u xhirua në 35 mm dhe zgjat rreth 95 minuta.