Njeriu i Vetmuar (Issız Adam) (përkthyer)

Issız Adam, shkruar dhe regjisuar nga Çağan Irmak, është një film dramatik dhe melodramë romantike i prodhimit turk, që doli në kinema më 7 nëntor 2008. Emri i filmit është një lojë fjalësh me disa kuptime njëherësh: 'burri i braktisur', 'jam njeri i shkretë' dhe, me aludim ndaj emrit të personazhes kryesore femërore, 'Ada ime e vetmuar'. Vepra, xhirimet e së cilës zgjatën pesë javë, pati interes të madh nga shikuesi turk dhe në javën e pesëmbëdhjetë arriti 2 milionë e 765 mijë shikues.

Filmi tregon dashurinë që nis me takimin e rastësishëm në një librari mes Adas, që qep kostume fëmijësh në dyqanin e saj të vogël në Beyoğlu, dhe Alperit, një kuzhinier që drejton restorantin e vet dhe është i pasionuar pas pllakave të vjetra, si dhe se si jeta moderne i vetmon njerëzit. Filmi, rolet kryesore të të cilit i ndajnë Melis Birkan dhe Cemal Hünal, fitoi çmimin për filmin më të mirë në Festivalin e Filmit të Rhode Island-it në vitin 2009 dhe u rishfaq në kinematë e Turqisë në qershor 2025.