Mali 2 (Dağ 2) (përkthyer)

Dağ 2 është një film turk i zhanrit aksion, lufte dhe dramë, i shkruar dhe i regjizuar nga Alper Çağlar, i cili doli në kinema më 4 nëntor 2016. Ngaqë është vazhdim i filmit Dağ të vitit 2012, buxheti i prodhimit u rrit në rreth dhjetëfishin e buxhetit prej 170 mijë TL të filmit të parë dhe u përcaktua në 1 milion e 700 mijë TL. Në xhirime u përdorën armë reale, prodhim vendor, si dhe automjete ushtarake të blinduara, me leje të veçantë të marra nga Forcat e Armatosura Turke. Filmi 135-minutësh arriti mbi 3 milionë shikues në Turqi, duke u bërë filmi më i shikuar i vitit 2016. Në role kryesore luajnë Çağlar Ertuğrul, Ufuk Bayraktar dhe Murat Serezli.

Historia fillon gjashtë vjet pasi dy miqtë Oğuz dhe Bekir shpëtuan nga duart e terroristëve në filmin e parë, kur të dy bashkohen me Njësinë e 8-të të Kërkim-Shpëtimit në Luftim të Forcave Speciale. Detyra e njësisë është të shpëtojë gazetaren Ceyda Balaban, e cila është rrëmbyer nga një organizatë terroriste në Irakun Verior; por këtë herë përballë tyre kanë më shumë se një forcë që përplasen mes vete dhe operacioni rezulton shumë më i vështirë se ai i mëparshmi.