Dağ 2

"Dağ 2" — Alper Çağların rejissorluğu və ssenaristi olduğu, 4 noyabr 2016-cı ildə nümayiş olunan Türkiyə istehsalı döyüş, müharibə və dram filmidir. 2012-ci ildə çəkilmiş "Dağ" filminin davamı olan filmin büdcəsi ilk filmlə müqayisədə təxminən on dəfə artırılıb. Türkiyə Silahlı Qüvvələrinin xüsusi icazəsi ilə çəkilişlərdə yerli istehsal olan silahlar və zirehli hərbi texnikalardan istifadə edilib. Film Türkiyədə 3,6 milyondan çox izləyiciyə çataraq 2016-cı ilin ən çox izlənilən filmi olub. Baş rolları Atılgan Gümüş, Ufuk Bayraktar və Çağlar Ərtuğrul canlandırıblar.

Hekayə, Xüsusi Təyinatlı Qüvvələrə qoşulmaq istəyən, lakin sağlamlıq problemləri səbəbindən rədd edilən iki əsgər dostu Oğuz və Bəkirdən bəhs edir. Daha sonra onlar podpolkovnik Veysel Gökmusa tərəfindən təlimə qəbul edilir və altı illik təlimdən sonra Stormbringer komandası ilə birlikdə İraqda əməliyyata gedir və İŞİD tərəfindən girov götürülən jurnalist Ceyda Balabanı xilas edirlər. Geri qayıdarkən, qaldıqları bir türkmən kəndinə İŞİD hücumunun qaçılmaz olduğunu öyrənirlər. Mülki şəxsləri təhlükəsiz yerə göndərdikdən sonra komanda kəndi müdafiə etmək üçün geridə qalır və düşmənlə şiddətli döyüşə girir.