Galipoli 1915 (Çanakkale 1915) (përkthyer)

Çanakkale 1915 është një film lufte turk i vitit 2012, i regjizuar nga Yeşim Sezgin dhe i xhiruar në bashkëpunim mes Fida Film dhe Örümcek Yapım. Skenari është përshtatur për kinema nga vetë Turgut Özakman, bazuar në romanin e tij Diriliş: Çanakkale 1915, të botuar në vitin 2008. Filmi doli në ekrane në Turqi dhe Evropë në tetor të vitit 2012, në rreth një mijë salla kinemaje.

Prodhimi trajton Betejën e Çanakkalesë, që u zhvillua në Gadishullin e Gelibolusë duke filluar nga prilli i vitit 1915, gjatë Luftës së Parë Botërore, dhe sjell në ekran qëndresën kundër përpjekjes së flotës së Antantës për të kaluar ngushticën. Në kastin e filmit prej 128 minutash bëjnë pjesë emra si Barış Çakmak, Şevket Çoruh, Ali Ersan Duru dhe Bülent Alkış.